پی ٹی آئی نےاحتجاج منسوخ کردیا،نئی حکمت عملی اپنالی

تحریک انصاف نےملک بھرمیں احتجاج منسوخ کرتےہوئے نئی حکمت عمل اختیارکرلی۔
ذرائع کےمطابق تحریک انصاف کی جانب سے 8نومبرکوپشاورمیں ہونے والا جلسہ منسوخ کردیاگیاہے،اس کےعلاوہ تما م جلسے اوراحتجاجی مظاہرے منسوخ کیے جانے کا امکان ہے، جبکہ گرفتاریوں اور دیگر مسائل سے بچنے کے لیے نئی حکمت عملی اختیار کی جائیگی۔
ذرائع کا کہنا ہے کہ جلسے کی جگہ صوابی کے مقام پر احتجاجی دھرنا دیا جائے گا، دھرنا کم سے کم تین روز تک جاری رہے گا، دھرنے میں ملک بھر سے ورکرز اور رہنما شرکت کریں گے، دھرنے سے ہر روز مرکزی و صوبائی قائدین خطاب کریں گے۔
اس حوالے سےپارٹی رہنماؤں نے تصدیق کی ہے کہ دھرنے کے لئے انتظامات کو حتمی شکل دی جارہی ہے، دھرنے کے لئے 10 تاریخ کے بعد کسی موزوں دن کا انتخاب کیا جائے گا، دھرنا صوابی قیام و طعام کے مقام پر دیا جائے گا۔