پی ڈی ایم اے نے سیلاب میں پھنسے لوگوں کو نکالنے کے لیے موک ایکسرسائز کا انعقاد کر دیا

لاہور:(پاکستان ٹوڈے) پی ڈی ایم اے پنجاب کے زیر اہتمام سیلاب میں پھنسے لوگوں کو نکالنے کے لیے موک ایکسرسائز۔ موک ایکسرسائز کا انعقاد بی آر بی کینال کے مقام پر کیا گیا۔

تفصیلات کے مطابق ڈی جی پی ڈی ایم اے عرفان علی کاٹھیا نے موک ایکسرسائز کا تفصیلی جائزہ لیا۔ ڈی جی پی ڈی ایم نے سیلاب آپریشنز میں استعمال ہونے والے آلات اور مشینری کا تفصیلی جائزہ لیا۔

اے ڈی سی آر لاہور عدنان رشید و ضلعی انتظامیہ نے ڈی جی پی ڈی ایم اے کو موک ایکسرسائز بارے بریفنگ دی۔ فرضی مشقوں میں ریسکیو، محکمہ صحت، لایئو سٹاک، ایریگیشن، سول ڈیفنس اور سوشل ویلفئر کے نمائندوں نے شرکت کی۔

ڈی جی پی ڈی ایم اے نے ریسکیو و سول ڈیفنس غوطہ خوروں کی پیشہ ورانہ ڈائیونگ کا بھی جائزہ لیا، موک ایکسرسائز میں عوام کو سیلاب سے بچاؤ کے لے تمام محکموں کی کارکردگی کا جائزہ لیا گیا۔

ڈی جی پی ڈی ایم اے نے جانوروں کے بچاؤ کیلئے ادویات اور خشک چارے کا بھی جائزہ لیا، موک ایکسر سائز کا مقصد تمام اداروں کی پیشگی تیاریوں کو یقینی بنانا ہے۔ ممکنہ سیلاب میں ہنگامی صورتحال سے نمٹنے کے لیے تمام محکمے الرٹ ہیں۔ ہم نے بحثیت قوم تمام آفات کا مل کر مقابلہ کرنا ہے۔