چین میں پھولوں کے پودوں کی نئی قسم دریافت

پاکستان ٹوڈے: چینی محققین نے جنوب مغربی صوبے گوئی ژو میں امپیشینسز پھولوں کی ایک نئی قسم دریافت کی ہے، جسے امپیشینسز بیپن جیانگینسیس کا نام دیا گیا ہے۔

ان زرد پھولوں کا ذکر جرنل فائٹوکیز کے حالیہ ایڈیشن میں شائع شدہ ایک مقالے میں کیا گیا ہے ۔ ٹیم کے ایک رکن اور گوئی ژو نباتاتی باغ کے محقق شو جیان کا کہناہے کہ اس قسم کا نام پان ژو شہر میں بیپن جیانگ دریائی طاس کے نام پر رکھا گیا ہے، جہاں ماہرین نباتات کی ایک ٹیم نے اسے ایک سروے کے دوران پہلی بار اکتوبر 2019 میں دریافت کیا تھا۔

ماہرین نباتات اب تک اس قسم کے تقریباً 5 ہزار سے زائدپودے دریافت کرچکے ، جو مرطوب وادی میں سطح سمندر سے 1 ہزار 300 سے لیکر 1 ہزار 500 میٹر کی بلندی پر پائے گئے ۔

محققین کے مطابق دریافت شدہ نئی قسم میں پھول اکتوبر اور نومبر میں کھلتے ہیں ،یہ نئی قسم مورفولوجی کے اعتبار سے کچھ دیگر امپیشینسز انواع سے ملتی جلتی ہے ،تاہم اس کی پتیاں ، پولن، بیج اور دیگر خصوصیات میں نمایاں فرق رکھتی ہیں۔