اے آئی کے کرشمے: مشہور پینٹنگز کو جدید سانچوں میں ڈھال دیا

لیونارڈو ڈاؤنچی کی مونا لیزا ماڈرن ہوگئی۔ اے آئی نے اپنے زمانے کی مشہور پینٹنگز کو جدید سانچوں میں ڈھال دیا۔
دنیا کی بعض مشہور و معروف پینٹنگز کو جدید دور کے فیشن اور خوبصورتی کے رجحانات کے مطابق ازسرِنو تخلیق کیا گیا ہے اور نتائج حیران کن ہیں۔دنیا بھر میں معروف فن پارے مونا لیزا، گرل وِد اے پرل اِیئررنگ اور دی برتھ آف وینس کو اے آئی کی مدد سے اس انداز میں پیش کیا گیا ہے کہ اگر آج کے زمانے میں انہیں پینٹ کیا جاتا تو وہ کس طرح دکھائی دیتیں۔
اس تخلیقی پروجیکٹ میں سینڈرو بوٹی چیلی کی 1480 کی مشہور پینٹنگ دی برتھ آف وینس کو 1990 کے فیشن میں ڈھالا گیا ہے، جس میں چمکدار باڈی گلیٹر، نیل آرٹ اور بالوں میں ننھے تتلی کلپس کے ساتھ مکمل نوے کی دہائی کا سٹائل دکھایا گیا ہے۔
دوسری جانب لیونارڈو ڈاؤنچی کی مونا لیزا کو 2000 کے ابتدائی فیشن ٹرینڈز میں پیش کیا گیا ہے، جس میں پتلی بھنویں، بالوں کی ہائی لائٹس اور فروسٹڈ آئی شیڈو اسے ایک بالکل نیا روپ دیتے ہیں،اسی طرح ورمیر کی 1660 میں بنائی گئی گرل وِد اے پرل اِیئررنگ کو موجودہ دور کے ٹرینڈز سے ہم آہنگ کرتے ہوئے بولڈ بھنویں، چمکدار سکن اور نیوڈ لپ کلر کے ساتھ جدید رسوم و رواج کا آئینہ بنا دیا گیا ہے۔یہ پروجیکٹ نا صرف فن کی نئی تشریح پیش کرتا ہے، بلکہ یہ بھی دکھاتا ہے کہ جدید ٹیکنالوجی خصوصاً اے آئی کس طرح صدیوں پرانی مصوری میں نیا رنگ بھر سکتی ہے۔