پی ٹی آئی وزیراعظم کی دعوت ٹھکراکرکسی اورسےمذاکرات کرناچاہتی ہے،راناثنا

مشیروزیراعظم راناثنااللہ نےکہاہےکہ تحریک انصاف وزیراعظم کی دعوت ٹھکرا کرکسی اورسےمذاکرات کرناچاہتی ہے۔
قومی اسمبلی میں اظہارخیال کرتےہوئے مشیروزیراعظم راناثنااللہ کاکہناتھاکہ اڈیالہ میں امن و امان خراب کرنے یا کسی تحریک کو چلانے کی اجازت نہیں۔ یہ ہاؤس اپنا مؤقف پیش کرے لیکن ہم سمجھتے ہیں قانون کے مطابق ملاقات ہوگی۔
اُن کامزیدکہناتھاکہ وزیراعظم نے کہا کہ میثاق استحکام پاکستان پر اتفاق کر لیں، اوروزیراعظم نے دو مرتبہ ایوان میں اپوزیشن کو بات چیت کا کہا اور بات کرنے کی دعوت دی، مگر پی ٹی آئی قیادت ہم سے بات کرنے کو تیار نہیں، جن سے تحریک انصاف قیادت بات کرنے کو تیار ہے وہ نہیں کرنا چاہتے۔
رانا ثنااللہ کا کہنا تھا کہ بانی پی ٹی آئی کی بہن نے جو گفتگو کی اس میں باہر سیاسی فیصلوں کا ذکر تھا۔ پی ٹی آئی سینیٹرکمیٹی بناناچاہتے ہیں توپہلےخود کمیٹی بنا لیں کہ کیا بات کرنی ہے۔ یہ نہیں ہو سکتا جیل میں بیٹھ کر امن و امان کی صورتحال پیدا کریں۔