مریم نوازکی شادیوں میں ون ڈش پر سختی سے عمل کرانے اور بلند آواز میوزک پر کارروائی کی ہدایت

وزیراعلیٰ پنجاب مریم نوازنے شادیوں میں ون ڈش پر سختی سے عمل کرانے اور بلند آواز میوزک پر کارروائی کی ہدایت کردی۔
وزیراعلیٰ مریم نواز کی زیر صدارت اجلاس منعقدہوا،جس میں اہم فیصلےکیے گئے۔اجلاس میں بریفنگ بھی دی گئی۔
اجلاس میں وزیراعلیٰ پنجاب مریم نوازنےشادیوں اوردیگرتقریبات پر بلند آواز میں میوزک لگانےکےخلاف سخت کارروائی کی ہدایت کی ۔فارم ہاؤس اور گراؤنڈز میں بھی لاؤڈ سپیکر کے غیر قانونی استعمال پر پابندی کے لیے اقدامات کی ہدایات جاری کی گئی ۔
اجلاس میں فیصلہ کیاگیاکہ فارم ہاؤس اور گراؤنڈز میں بھی ون ڈش پر پابندی یقینی بنائی جائےگی۔جبکہ میرج ہال کے لیے مقررہ اوقات کار کی پابندی کی مانیٹرنگ کی ہدایت بھی جاری کی گئی ۔
اس موقع پروزیراعلیٰ پنجاب نے تمام کمشنرز اورڈپٹی کمشنرز کو ون ڈش کی پابندی یقینی بنانے کا حکم دیا۔