چین نے مائیکروویو شعاعوں والا جدید ہتھیارڈرون کا توڑ ایجاد کرلیا

جنگ کا پانسہ بدل گیا،چین نے مائیکروویو شعاعوں والا جدید ہتھیارڈرون کا توڑ ایجاد کرلیا۔
مستقبل کی جنگوں میں ڈرون کا خوف بے اثر ہوگیا، کیونکہ چین نے مائیکروویو شعاعوں والا جدید ہتھیار ایجاد کر لیا ہے۔چین کی سرکاری اسلحہ ساز کمپنی نورینکو(Norinco) کے ماہرین عسکریات نے انتہائی طاقتور مائیکروویو شعاعیں چھوڑ کر بیک وقت کئی ڈرون تباہ کرنیوالا ہتھیار ہیریکین (Hurricane 3000)ایجاد کر لیا۔اسے کسی بھی ٹرک پر نصب کیا جا سکتا ہے، جو 3 کلومیٹر دور اڑتے ڈرون جھنڈ میں شامل سبھی ڈرون تباہ کرنے کی صلاحیت رکھتا ہے۔
اس سے نکلی زبردست غیر مرئی شعاعیں ڈرون کے تمام برقی آلات جام کر کے اسے ناکارہ بنا دیتی ہیں۔عسکری ماہرین اس ہتھیار کو ڈرون حملوں کا بہترین توڑ قرار دیدیا ہے اور یہ جدید فنون ِحرب میں ایک اہم پشترفت ہے، جس سے مستقبل میں کی بھی جنگ کا پانسہ بدل سکتا ہے۔