جنگ کےخاتمےکیلئے ایران نے 6 اسٹریٹجک شرائط پیش کردیں

ایک اہلکار نے نام ظاہر نہ کرنے کی شرط پر ایرانی میڈیا کو بتایا کہ علاقائی فریقین اور ثالثوں نے ایران کو جنگ بندی کے لیے مختلف تجاویز پیش کی ہیں۔
اہلکار کے مطابق ایک نئے قانونی اسٹریٹجک فریم ورک کے تحت چھ شرائط رکھی گئی ہیں، جن میں سب سے پہلی شرط جنگ دوبارہ شروع نہ ہونے کی ضمانت ہے۔
دوسری شرط خطے میں امریکی فوجی اڈوں کی بندش ہے، جبکہ تیسری شرط جارح کو پیچھے دھکیلنے اور ایران کو ہرجانہ ادا کرنے سے متعلق ہے۔
چوتھی شرط تمام علاقائی محاذوں پر جنگ کا خاتمہ ہے، پانچویں شرط آبنائے ہرمز کے لیے نئے قانونی نظام کا نفاذ، جبکہ چھٹی شرط ایران مخالف میڈیا آپریٹرز کے خلاف قانونی کارروائی اور ان کی ملک بدری ہے۔