امریکی سینیٹ میں اسرائیل کوفوجی امدادروکنےسےمتعلق قراردادمسترد

امریکی سینیٹ میں اسرائیل کو فوجی امداد سے متعلق قرارداد پر ووٹنگ ہوئی جس میں اسرائیلی فوج کے لیے بلڈوزرز کی فراہمی روکنے کی تجویز مسترد کر دی گئی۔
اس قرارداد کے حق میں 40 ڈیموکریٹ سینیٹرز نے ووٹ دیا جبکہ 59 سینیٹرز نے اس کی مخالفت کی۔یہ بل سینیٹر برنی سینڈرز کی قیادت میں پیش کیا گیا تھا، جس کا مقصد اسرائیل کے لیے غیر مشروط امریکی حمایت پر سوال اٹھانا تھا۔
اسی سلسلے میں برنی سینڈرز کی جانب سے ایک اور بل بھی پیش کیا گیا جس میں اسرائیل کو ایک ہزار پاؤنڈ وزنی بموں کی فراہمی روکنے کی تجویز دی گئی۔ اس پر 36 سینیٹرز نے حمایت جبکہ باقی ارکان نے مخالفت کی۔