خدا کے گھر میں سب ایک برابر، مزدلفہ میں دنیاوی فرق ختم ہوگیا

حج کے دوران مزدلفہ میں ایک روحانی اور حیرت انگیز منظر دیکھنے کو ملتا ہے، جہاں امیر ہو یا غریب، سب عازمین ایک ہی صف میں آ کر زمین پر رات گزارتے ہیں۔

اس مقام پر دنیاوی فرق مٹ جاتا ہے اور ہر شخص سادگی، عاجزی اور یکجہتی کی مثال بن جاتا ہے۔ عازمینِ حج کھلے آسمان تلے عبادت، ذکر اور آرام کرتے ہیں، جو اسلامی مساوات اور اتحاد کی روشن علامت ہے۔

مزدلفہ کا یہ منظر اس بات کی یاد دہانی کراتا ہے کہ اللہ کے حضور سب انسان برابر ہیں، چاہے ان کا تعلق کسی بھی طبقے یا حیثیت سے ہو۔