یوٹیوب نے صارفین کے لیے ہوم فیڈ کو مزید ذاتی نوعیت دینے کے لیے مصنوعی ذہانت (AI) پر مبنی ایک نیا فیچر متعارف کرایا ہے۔
عام طور پر صارفین کو یوٹیوب پر لاگ اِن ہونے کے بعد ایک جیسی اور عمومی ویڈیوز نظر آتی ہیں، تاہم نئے فیچر کے ذریعے اب ہوم فیڈ کو صارف کی دلچسپی کے مطابق تبدیل کیا جا سکے گا۔
کمپنی کے مطابق صارفین ایک پرومپٹ کے ذریعے اے آئی کو اپنی پسندیدہ موضوعات سے آگاہ کریں گے، جس کی بنیاد پر ایک کسٹمائزڈ فیڈ تیار کی جائے گی۔
“AI Custom Feed” نامی یہ فیچر فی الحال امریکا میں متعارف کرایا گیا ہے، جبکہ اسے مرحلہ وار دیگر ممالک میں بھی جاری کیا جائے گا۔
اس فیچر کے استعمال کے لیے ہوم پیج پر “Your Custom Feed” آپشن منتخب کرنا ہوگا، جہاں صارف اپنی دلچسپی کے مطابق ویڈیو ترجیحات درج کر سکیں گے۔
یوٹیوب کے مطابق یہ کسٹم فیڈ مخصوص تھیمز اور موضوعات پر مبنی ویڈیوز پر مشتمل ہوگی اور اگر اسے استعمال نہ کیا جائے تو یہ چند ہفتوں بعد ختم ہو جائے گی۔
یہ یوٹیوب کا ایک اور اے آئی فیچر ہے، اس سے قبل بھی پلیٹ فارم پر “Ask YouTube Search” سمیت کئی اے آئی فیچرز متعارف کرائے جا چکے ہیں۔
