سیٹیلائٹ ڈیجیٹل پاکستان کا اہم سنگ,میل عبور

پاکستان ٹوڈے: پاکستان دوسرا جدید ملٹی مشن سیٹیلائٹ خلا میں بھیجنے کیلئے تیار۔

تفصیلات کے مطابق نیشنل سپیس ایجنسی سپارکو نے ملٹی مشن کمیونیکیشن سیٹیلائٹ لانچ کرنے کا اعلان کر دیا۔۔۔پاکستان 30 مئی کو چین کی نیشنل سپیس ایجنسی کے تعاون سے اپنا دوسرا جدید ملٹی مشن سیٹیلائٹ خلا میں بھیجا جائے گا۔ ترجمان سپارکو کے مطابق پاک سیٹ ایم ایم ون 30 مئی کو چین کے شیچانگ سیٹیلائٹ لانچ سینٹر سے خلا میں بھیجا جائے گا۔

سپارکو کے زیر اہتمام جدید مواصلاتی سیٹیلائٹ کی لانچنگ کے حوالے سے اسلام آباد میں ایک سیمینار کا انعقاد کیا گیا، جس میں سپارکو حکام نے بتایا کہ پاکستان میں 30 مئی کو لانچ ہونے والا سیٹیلائٹ پندرہ سال کیلئے ہوگا۔ سیٹیلائٹ پاکستانی انجینئرز اور سائنسدانوں نے چینی شراکت داری سے تیار کیا ہے، جو فائیو جی کوریج کیلئے معاون ثابت ہوگا۔2026

میں پاکستان کے پہلے سیٹ ون آر کی مدت ختم ہورہی ہے، 2027 میں پاک سیٹ ٹو سیٹیلائٹ لانچ کردیا جائے گا، جبکہ اس وقت مواصلاتی رابطے کے حوالے سے پاکستان کا ایک سیٹیلائٹ خلا میں موجود ہے۔ماہرین کا کہنا ہے کہ یہ سیٹیلائٹ ٹیلی ایجوکیشن، ٹیلی میڈیسن اور آن لائن سرگرمیوں کی کوریج کو بہتر کرے گا۔سپارکو کے مطابق ڈیجیٹل پاکستان ورژن اور مواصلاتی نظام کی بہترفراہمی میں معاون ہوگا۔