40سال بعد نوٹ پیڈ میں کارآمد فیچرز متعارف

40 سال بعد نوٹ پیڈ میں سپیل چیک اور آٹو کریکٹ جیسے فیچرز متعارف۔مائیکرو سافٹ نے 4 دہائیوں بعد نوٹ پیڈ ایپ میں ان فیچرز کا اضافہ کر دیا ، جن کا انتظار صارفین کو عرصے سے تھا۔
ونڈوز 11 آپریٹنگ سسٹم استعمال کرنیوالے صارفین کیلئے مائیکرو سافٹ نوٹ پیڈ میں سپیل چیک اور آٹو کریکٹ جیسے کارآمد فیچرز کو متعارف کرادیا گیا۔ان فیچرز کی آزمائش مارچ 2024 سے کی جا رہی تھی اور 4 ماہ بعد انہیں خاموشی سے ونڈوز 11 کے تمام صارفین کیلئے متعارف کرا دیا گیا ہے۔یہ فیچرز بائے ڈیفالٹ ان ایبل رکھے گئے ہیں، یعنی اب نوٹ پیڈ میں غلط لکھے گئے الفاظ کو ہائی لائٹ کیا جائے گا اور انہیں درست کرنے کی سہولت فراہم کی جائے گی۔
آٹو کریکٹ فیچر سے غلط لکھے گئے گئے الفاظ خودکار طور پر درست ہو جائیں گے۔صارفین ان فیچرز کو نوٹ پیڈ کی سیٹنگز میں جا کر ڈس ایبل بھی کرسکیں گے۔ مائیکرو سافٹ نے نوٹ پیڈ کو 1983 میں متعارف کرایا تھا اور جب سے اس میں کوئی خاص تبدیلی نہیں کی گئی تھی،مگر حالیہ عرصے میں مائیکرو سافٹ کی جانب سے اس میں کافی کارآمد اپ ڈیٹس کی گئی ہیں۔ان اپ ڈیٹس میں کریکٹر کاؤنٹ اور آرٹی فیشل انٹیلی جنس (اے آئی) اسسٹنٹ کو پائلٹ کی وضاحتیں قابل ذکر ہیں۔