پی ٹی آئی کےلوگ ملک دشمنی کا ایجنڈا لے کر پھرتے ہیں،فیصل کریم کنڈی

گورنرخیبرپختونخوافیصل کریم کنڈی نےکہاہےکہ تحریک انصاف کےلوگ ملک دشمنی کا ایجنڈا لے کر پھرتےہیں ،اس قسم کے لوگوں کو جلسے کی بالکل اجازت نہیں ہونی چاہیے۔
نجی ٹی وی چینل سے گفتگوکرتےہوئے فیصل کریم کنڈی نے کہا کہ علی امین گنڈاپورخیبرپختونخواکہ نہیں بلکہ افغانستان کےکسی صوبے کےوزیراعلیٰ لگتےہیں۔شروع میں،میں نےوزیراعلیٰ سےمثبت بات کی لیکن انہوں نےفائدہ اُٹھایا۔
فیصل کریم کنڈی کامزیدکہناتھاکہ حکومتیں دوسری حکومتوں سے بات کرتی ہیں، وزیراعلیٰ کہہ رہے ہیں وہ دوسرے ملک سے بات کریں گے، علی امین وزیراعلیٰ کے پی نہیں بلکہ افغانستان کےکسی صوبےکے وزیراعلیٰ لگتےہیں۔
گفتگوکوجاری رکھتےہوئےاُن کاکہناتھاکہ ایک آئینی عہدے پربیٹھا ہوں، آئین کے خلاف کام نہیں ہونے دوں گا لیکن اگر صوبےکے امن وترقی کے لیے کوئی بھی کام کرے گا تو اس کاساتھ دوں گا۔ پی ٹی آئی کے لوگ ملک دشمنی کا ایجنڈے لےکرپھرتے ہیں، اس قسم کے لوگوں کو جلسے کی بالکل اجازت نہیں ہونی چاہیے۔