یکم اکتوبرسےپیٹرولیم مصنوعات کی قیمتوں میں کمی کاامکان

عالمی مارکیٹ میں خام تیل کی قیمتوں میں کمی کےباعث یکم اکتوبرسے پاکستان میں بھی پیٹرولیم مصنوعات کی قیمتوں میں کمی کاامکان ہے۔
پاکستان میں ہرپندرہ روزبعدپیٹرولیم مصنوعات کی قیمتوں میں ردوبدل کیاجاتاہےجس میں کبھی عوام کوریلیف دیاجاتاہےاورکبھی پیٹرولیم مصنوعات کی قیمتوں میں اضافہ کرکےعوام کی مشکلات میں اضافہ کیاجاتاہے۔
عالمی مارکیٹ میں تیل کی قیمتیں گرنےسےپاکستانیوں کےلئے ریلیف کاامکان ہے،یکم اکتوبرسےپیٹرولیم مصنوعات3روپےفی لیٹرتک سستی ہونےکاامکان ہے۔
ذرائع کا کہنا ہے کہ پٹرولیم مصنوعات کی قیمتوں میں 3 روپے تک کمی متوقع ہے، پٹرول کی قیمت میں ایک روپے فی لٹر کمی کا امکان ہے جبکہ ڈیزل کی قیمت میں 3 روپے فی لٹر کمی ہو سکتی ہے۔
ذرائع کے مطابق پٹرولیم مصنوعات کی قیمتوں کا حتمی اعلان 30 ستمبر کو کیا جائے گا، وزیرخزانہ وزیراعظم کی مشاورت سے اعلان کریں گے۔
یادرہےکہ وفاقی حکومت کی جانب سےمسلسل پیٹرولیم مصنوعات کی قیمتوں میں کمی کی جارہی ہے۔15ستمبرکوبھی پیٹرولیم مصنوعات کی قیمتوں میں کمی ہوئی تھی۔
پٹرول کی موجودہ قیمت 249.10روپےفی لٹر، ہائی سپیڈ ڈیزل 249.69 روپے فی لٹر، لائٹ ڈیزل 141.93 روپے جبکہ مٹی کا تیل 158.47 روپے فی لٹر میں فروخت ہو رہا ہے۔
واضح رہےکہ پیٹرولیم مصنوعات کی قیمتوں میں ردوبدل کانوٹیفکیشن 30ستمبر کو جاری کیاجائےگا۔