عدم ادائیگی پرپاکستان ہاکی فیڈریشن کی بجلی منقطع کردی گئی

بل کی عدم ادائیگی پرلیسکونے پاکستان ہاکی فیڈریشن (پی ایچ ایف)کی بجلی منقطع کردی ۔
ذرائع کاکہناہےکہ پاکستان ہاکی فیڈریشن لیسکوکا 69لاکھ سےزائد کانادہندگان ہےجس پرایکشن لیتےہوئے لیسکو کی جانب سے پی ایچ ایف کی بجلی منقطع کردی گئی ہے۔
پنجاب ہاکی ایسوسی ایشن کے دفتر کا بجلی کا بل 5 لاکھ روپے ہے، اس کی بھی بجلی کاٹی گئی ہے۔ دفاتر میں موجود اسٹاف نے بجلی کٹنے کے بارے میں پی ایچ ایف حکام کو آگاہ کردیا ہے۔امکان ہے کہ پیسوں کا بندوبست ہونے کے بعد پیر کو بل کی ادائیگی ممکن بنائی جائے گی۔
فنڈز کی کمی کا رونا رونے والے پی ایچ ایف حکام کے مطابق بجلی بحالی کو جلد سے جلد ممکن بنانے کی کوشش کی جائے گی۔