ہواوے کا 3 لاکھ پاکستانی نوجوانوں کو تربیت دینے کا منصوبہ

تین لاکھ پاکستانی نوجوانوں کیلئے بڑی خوشخبری، ہواوے کمپنی نےآئی سی ٹی تربیتی پروگرام کا اعلان کردیا۔
ایس آئی ایف سی کے تعاون سے چین کی ٹیکنالوجی کمپنی ہواوے نے 3 لاکھ پاکستانی نوجوانوں کو جدید معلوماتی اور مواصلاتی ٹیکنالوجی کی مہارتوں سے آراستہ کرنے کیلئے ایک وسیع تربیتی پروگرام کا منصوبہ بنایا ہے۔
اس اقدام کا مقصد عالمی مہارت اور جدید تربیتی وسائل کو مقامی نظامِ تعلیم میں شامل کرکے تکنیکی تعلیم اور مہارت کے معیار کو بہتر بنانا اور ملک میں ٹیکنالوجی کے میدان میں جدت اور ترقی کو فروغ دینا ہے۔
ماہرین کا کہنا ہے کہ یہ تربیتی پروگرام نوجوانوں کو بہتر روزگار کے مواقع فراہم کرنے میں معاون ثابت ہوگا، جس سے ان کی اقتصادی حالت میں بہتری ممکن ہو گی۔ ہواوے کا یہ تربیتی پروگرام پاکستان کے تکنیکی تعلیمی نظام میں مثبت تبدیلیاں متعارف کروانے کے عزم کی عکاسی کرتا ہے، جس کے نتیجے میں نوجوانوں کی ترقی اور ملک کی معیشت کو مزید استحکام حاصل ہوگا۔