عمران خان کاذاتی معالجین سے طبی معائنے کیلئے عدالت سےرجوع

عمران خان نے ذاتی معالجین سے طبی معائنے کے لیے عدالت سےرجوع کرلیا۔
بانی تحریک انصاف عمران خان نےذاتی معالجین سےطبی معائنےکےلئےاسلام آبادہائیکورٹ میں درخواست دائرکردی۔درخواست بیرسٹر سلمان صفدر اورخالد یوسف چودھری کے توسط سے دائر کی گئی ہے۔
درخواست میں مؤقف اختیار کیا گیا ہےکہ عمران خان کےذاتی معالجین بانی کی میڈیکل ہسٹری سے آگاہ ہیں لیکن ڈاکٹر عاصم کو 15اکتوبر کو بانی پی ٹی آئی تک رسائی نہیں دی گئی۔
درخواست میں استدعاکی گئی کہ ڈاکٹرعاصم یوسف، ڈاکٹر فیصل سلطان اور ڈاکٹر ثمینہ نیازی کو چیک اپ کی اجازت دی جائے انہیں فوری طور پر عمران خان کے معائنےکی اجازت دی جائے۔