سرکاری سکولوں میں سٹوڈنٹس کونسلزالیکشن 16 مئی تک مکمل کرنے کا حکم

طلبا و طالبات کیلئے اہم خبر،سٹوڈنٹس کونسلز کے انتخابات کا عمل16 مئی تک مکمل کرنے کا حکم، محکمہ سکول ایجوکیشن نے سٹوڈنٹس کونسل الیکشن کیلئےنئی ہدایات جاری کردیں۔
پنجاب بھر کے 38ہزار سرکاری سکولوں میں انتخابات کا حکم جاری کردیاگیا۔سٹوڈنٹس کونسل انتخابات کےحوالےسے تصاویری ثبوت فراہم کئے جائیں گے۔
ذہن نشین رہے کہ اس سے قبل سٹوڈنٹس کونسل انتخابات کیلئے 21 مئی تاریخ مقرر کی گئی تھی۔
محکمہ سکول ایجوکیشن پنجاب کی طرف سے جاری مراسلہ کے مطابق الیکشن کے تصویری ثبوت واٹس ایپ کئے جائیں گے ، کیونکہ گزشتہ سٹوڈنٹس کونسل انتخابات پرتحفظات اور اعتراض سامنے آئےتھے۔
محکمہ سکول ایجوکیشن کا کہنا ہے کہ سٹوڈنٹس کونسل کے انتخابات کے بعد حلف برداری کی تقریب میں ڈپٹی کمشنرزکومدعو کیاجائے گا۔