واٹس ایپ صارفین کیلئے چیٹ جی پی ٹی سے تصاویر تیار کروانے کا فیچر متعارف

واٹس ایپ صارفین کیلئے خوشخبری، چیٹ جی پی ٹی سے اے آئی تصاویر تیار کروانے کا فیچر متعارف ،اب صارفین واٹس ایپ میں ہی چیٹ جی پی ٹی سے اے آئی تصاویر تیار کروا سکیں گے۔
چیٹ جی پی ٹی آرٹی فیشل انٹیلی جنس (اے آئی) ٹیکنالوجی سے لیس ایسا ٹول ہے، جو بہت تیزی سے انٹرنیٹ کی دنیا کے ہر شعبے کا حصہ بنتا جا رہا ہے۔یہ اے آئی چیٹ بوٹ مائیکرو سافٹ کے بنگ سرچ انجن اور ایپل کے آئی او ایس 18 کا حصہ بن چکا ہے، جبکہ دیگر متعدد آن لائن سروسز میں بھی اسے شامل کیا جا رہا ہے۔اب اوپن اے آئی کی جانب سے واٹس ایپ میں چیٹ جی پی ٹی استعمال کرنیوالے صارفین کیلئے انتہائی کارآمد فیچر کا اضافہ کیا گیا ہے۔
چیٹ جی پی ٹی کی جانب سے واٹس ایپ صارفین کیلئے ایک بڑی اپ ڈیٹ کی گئی ہے اور اب صارفین اس میں تصاویر بھی تیار کرواسکتے ہیں۔ چیٹ جی پی ٹی سے اے آئی تصاویر بنانے کیلئے چیٹ جی پی ٹی کی ویب سائٹ یا ایپ اوپن کرنے کی ضرورت نہیں ہوگی، بلکہ واٹس ایپ میں ہی ایسا کرنا ممکن ہوگیا ہے۔
اوپن اے آئی کی جانب سے جاری بیان میں بتایا گیا کہ یہ فیچر تمام صارفین کو دستیاب ہے۔