میگا سولر پینل:شمسی توانائی کے حصول میں انقلابی پیشرفت

شمسی توانائی کے حصول میں انقلابی پیشرفت ، رہائشی سائز کے میگا سولر پینل کا سورج کی روشنی کو بجلی میں تبدیل کرنے کا نیا عالمی ریکارڈ،برطانیہ کی ایک سٹاٹ اپ کمپنی آکسفورڈ پی وی نے جدید جنریشن کے ٹینڈم سولر سیل متعارف کروادئیے۔
ٹینڈم سولر سیل پیروسکائٹ نامی کرشماتی مواد کا استعمال کرتے ہیں ،تاکہ سیلیکون سے بنے روایتی سولر پینلز کی کارکردگی کو بہتر کیا جا سکے۔پیرووسکائٹ آن سیلیکون ٹینڈم سولر سیل نے 26.9 فیصد کی کارکردگی کا مظاہرہ کیا، جو موجودہ بہترین سیلیکون موڈیولز سے 7.5 فیصد بہتر ہے۔1.6 مربع میٹر کے رقبے اور 25 کلو سے کم کا وزن رکھنے والے ان سولر پینلز کو آکسفورڈ پی وی نے گھریلو استعمال کیلئے آئیڈیل سائز قرار دیا ہے۔
کمپنی کے مطابق آکسفورڈ پی وی کا ریکارڈ ساز موڈیول سولر پاور جنریشن میں واضح جدت پیش کرتا ہے۔