وزیراعظم شہبازشریف کی صدرٹرمپ سے25ستمبرکوملاقات متوقع

وزیراعظم شہبازشریف کی امریکی صدرڈونلڈٹرمپ سے25ستمبرکوملاقات متوقع ہے۔
ذرائع کےمطابق وزیراعظم شہبازشریف کارواں ماہ اقوام متحدہ کادورہ شیڈول ہےجس میں اُن کی امریکی صدرڈونلڈٹرمپ کےساتھ ملاقات ہونےکاامکان ہےاس ملاقات میں  فیلڈ مارشل عاصم منیر بھی شریک ہوں گے۔
ذرائع کاکہناہےکہ وزیراعظم شہبازشریف اورامریکی صدرڈونلڈٹرمپ کی ملاقات کےلیے کی جانے والی کوششیں کامیاب ہوتی نظر آرہی ہیں، دوحہ پر اسرائیلی حملوں اور قطر میں مسلم ممالک کی کانفرنس کے تناظر میں وزیر اعظم شہباز شریف اور فیلڈ مارشل عاصم منیر کے دورہ دوحہ اور ریاض کے بعد 25 ستمبر کو اس ملاقات کا امکان ہے جس کے ایجنڈے، وقت اور مقام کو حتمی شکل دی جارہی ہے۔
امریکی صدرڈونلڈٹرمپ رواں ماہ 23ستمبرکوجنرل اسمبلی اجلاس سےخطاب کریں گےاور صدر ٹرمپ عالمی رہنماؤں کے اعزاز میں روایتی استقبالیہ بھی دیں گے تاہم باخبر ذرائع کا کہنا ہے کہ تفصیلی ملاقات 25 ستمبر کو واشنگٹن میں ہوگی۔
ذرائع کابتاناہےکہ ملاقات قطر اور سعودی عرب کی مشاورت، تائید اور حمایت سے ہوگی، ایجنڈے میں قطر پر اسرائیلی حملوں کے اثرات پربات ہوگی جبکہ پاکستان میں سیلاب کی تباہ کاریاں اورپاک بھارت صورتحال زیربحث آئیں گے۔
پاکستا نی سفارتخانے نے ممکنہ ملاقات پر تبصرے یا تردید سے گریز کیا ہے۔