خیبرپختونخوا میں 2وزراکےاستعفوں کےبعد کابینہ میں بڑی تبدیلیاں

خیبرپختونخوامیں دووزراکےاستعفوں کےبعدکابینہ میں بڑی تبدیلیاں کردی گئیں۔ باقاعدہ نوٹیفکیشن جاری کر دیا گیا۔
وزیراعلیٰ علی امین گنڈاپور کی منظوری سےخیبر پختونخوا حکومت نے صوبائی کابینہ میں محکموں کی نئی تقسیم اور ردوبدل کا فیصلہ کرتے ہوئے وزراء، مشیروں اور معاونینِ خصوصی کے محکموں کا باقاعدہ نوٹیفکیشن جاری کر دیا ہے۔
اعلامیہ کےمطابق خلیق الرحمٰن کومحکمہ صحت کی وزارت مل گئی ،فضل شکورکووزیر ثقافت، سیاحت، آثارِ قدیمہ اور عجائب گھروں کا محکمہ سونپا دیاگیا۔جبکہ پختون یار خان کوکھیل اورامور نوجوانان کا وزیر بنادیاگیا۔ سید فخر جہان کو پبلک ہیلتھ انجینئرنگ کا قلمدان سونپ دیا گیا۔
اعلامیہ میں کہاگیاکہ مزید برآں مشیروں اور معاونینِ خصوصی کے محکمے درج ذیل کے مطابق تبدیل کیے گئے ہیں،جن میں احتشام علی کومشیرمحکمہ ایکسائز، ٹیکسیشن و نارکوٹکس کنٹرول کاچارج دیاگیا۔ زاہد چن زیب کومشیرامحکمہ محنت و مزدور (لیبر) کا قلمدان دیا گیا۔جبکہ ارباب محمد عاصم کومعاونِ خصوصی برائے ابتدائی و ثانوی تعلیم کا محکمہ دیا گیا۔اور ڈاکٹر محمد اسرار کو معاونِ خصوصی برائے  آبپاشی (ایریگیشن) کا محکمہ تفویض کیا گیا۔
واضح رہےکہ ستمبرکےآخرمیں وزیربرائےابتدائی وثانوی تعلیم فیصل ترکئی اور وزیرآبپاشی عاقب اللہ نےاپنےعہدوں سےاستعفیٰ دےدیاتھا۔