پاک جنوبی افریقہ ٹیسٹ سیریز: ٹرافی کی شاندار رونمائی

پاکستان اورجنوبی افریقہ کی ٹیسٹ سیریزکےلئےٹرافی کی شانداررونمائی کردی گئی۔
ٹرافی رونمائی تقریب کےدوران قومی کپتان شان مسعوداورساؤتھ افریقہ کے کپتان ایڈن مارکرم نےٹرافی کےساتھ تصاویر بھی بنوائیں ،اس موقع پرمہمان ٹیم کےکپتان نے این سی اے میوزیم کا دورہ بھی کیا، شان مسعود نے ایڈن مارکرم کو میوزیم میں موجود ٹرافیز کے بارے میں بتایا۔
اس موقع پر قومی کپتان شان مسعود کاپریس کانفرنس کرتے ہوئے کہناتھاکہ ساؤتھ افریقہ کے خلاف اچھا رزلٹ دیں گے جو ہمیں آئندہ فائدہ دے گا۔کیونکہ ساؤتھ افریقہ ایک چیمپئن ہے، ہمارے لیے بہتر رہے گا کہ ہم ٹیسٹ سرکل کا آغاز چیمپئن کے خلاف سے کر رہے ہیں۔
اُن کامزیدکہناتھاکہ دو سال کی چیزیں ایک دن میں نہیں کر سکتے، ہماری کوشش ہو گی کہ سبق حاصل کریں اور بہتر رزلٹ دیں، ہماری کوشش ہو گی کہ ساؤتھ افریقہ کے خلاف 20 وکٹیں لیں گے، کرکٹ میچ جیتنے کے لیے بڑے طریقے ہوتے ہیں، کنڈیشن کو دیکھتے ہوئے ہمیں میچ جیتنا ہے۔
شان مسعود کاکہناتھاکہ ہم چاہ رہے ہیں کہ ہر کھلاڑی تیار رہے اس لیے ڈومیسٹک کھیلنے کی اجازت دی، ساجد خان ہمارے مین سپنر ہیں، بد قسمتی سے ان کو فلو ہوا تھا، وقت کے ساتھ فیصلہ کریں گے لیکن وہ بیمار ہوئے تھے۔رنز کنڈیشن کے حساب سے ہوتے ہیں، سو کرنا ضروری نہیں لیکن کنٹری بیوشن ضروری ہوتا ہے چاہے وہ 60، 70 ہی کیوں نہ ہو۔
دوسری جانب ساؤتھ افریقہ ٹیم کےکپتان کاکہناتھاکہ پاکستان کے خلاف سیریز کیلئے پرجوش ہیں،بابر اعظم کی وکٹ اہم ہوتی ہے، ان کو آؤٹ کرنے کی کوشش کریں گے۔ پاکستان کے خلاف سیریز کے لیے تیاری اچھی ہے، اچھی کرکٹ کھیلنے کی کوشش کریں گے۔، اپنے کپتان ٹیمبا باووما کی کمی محسوس کریں گے، سپن پچز پر ساجد اور نعمان ہمارے لیے چیلنج ہوں گے، ہماری کوشش ہوگی کہ ان کے خلاف اچھا پرفارم کریں۔
اُن کامزید کہناتھاکہ پاکستان اپنے ہوم کنڈیشن میں کھیل رہا ہے، پاکستان کے ہوم کنڈیشن کی وجہ سے ہمیں مشکل ہو سکتی ہے، کیشف مہاراج دوسرا ٹیسٹ میچ کھیلیں گے۔