مہنگائی سےپریشان عوام کیلئےاہم خبر:پیٹرولیم مصنوعات کی قیمتوں میں کمی کاامکان

مہنگائی سےپریشان عوام کیلئےاہم خبر،پیٹرولیم مصنوعات کی قیمتوں میں بڑی کمی کاامکان ہے۔
پاکستان میں ہرپندرہ روزبعدپیٹرولیم مصنوعات کی قیمتوں میں ردوبدل کیا جاتا ہے جس میں کبھی عوام کو ریلیف دیاجاتاہےاورکبھی پیٹرولیم مصنوعات کی قیمتوں میں اضافہ کرکےعوام کی مشکلات میں اضافہ کیا جاتاہے۔
ذرائع کےمطابق پیٹرولیم مصنوعات 6روپے10پیسےفی لیٹرتک سستی ہونے کا امکان ہے، پیٹرول6 روپے10پیسےاور ڈیزل 97پیسےفی لیٹرتک سستا ہونے کاامکان ہےجبکہ مٹی کاتیل 2روپے75 پیسے اورلائٹ ڈیزل آئل 1روپے 64 پیسےفی لیٹرتک سستاہونےکاامکان ہے۔
ذرائع کاکہناہےکہ عالمی مارکیٹ کےتناظرمیں ابتدائی ورکنگ تیارکرلی گئی ہے، اوگراکل پیٹرولیم مصنوعات کی ورکنگ پیٹرولیم ڈویژن کوبھجوائےگا،پیٹرولیم ڈویژن اوروزارت خزانہ غورکےبعدورکنگ وزیراعظم کوبھجوائیں گے،وزیراعظم شہبازشریف قیمتوں میں کمی کی حتمی منظوری دیں گے،نئی قیمتوں کااطلاق 16اکتوبر سےہوگا۔
یاد رہے کہ وفاقی حکومت کی جانب سےماہ اگست کےپہلے پندرہ روزکیلئےپیٹرولیم مصنوعات کی قیمتوں میں ردوبدل کیاگیاتھاجس میں پیٹرول کی قیمت میں 7 روپے 54پیسےکمی کی گئی تھی جس کےبعدپیٹرول کی نئی قیمت264روپے 61پیسے فی لیٹرمقرر کی گئی تھی۔جبکہ ہائی سپیڈڈیزل کی قیمت میں1روپے48 پیسےفی لیٹر اضافہ کیا گیاتھا۔جس سےڈیزل کی نئی قیمت 285روپے83پیسےفی لیٹرمقرر کردی گئی تھی۔پھرحکومت نےماہ ستمبرکےپہلےپندرہ روزکیلئے پیٹرول کی قیمت برقراررکھی تھی اورہائی سپیڈڈیزل کی قیمت 3روپےفی لیٹرتک کمی کردی گئی تھی ،جس کےبعدہائی سپیڈ ڈیزل کی فی لیٹرقیمت269 روپے99 پیسےفی لیٹرہوگئی تھی۔جبکہ لائٹ ڈیزل آئل کی قیمت 2 روپے 40 پیسے کی کمی کے بعد 159 روپے 76 پیسے مقرر کی گئی تھی۔اسی طرح مٹی کے تیل کی قیمت ایک روپے 46 پیسے کمی کے بعد 176 روپے 81 پیسے مقرر کی گئی تھی۔