واٹس ایپ سٹیٹس لگانے والوں کیلئے اہم فیچر سامنے آ گیا

واٹس ایپ صارفین کیلئے خوشخبری ،کمپنی نے واٹس ایپ سٹیٹس لگانے والوں کیلئے اہم فیچر متعارف کرادیا۔
ویب بیٹا انفو رپورٹ کے مطابق اینڈرائیڈ ڈیوائسز کیلئے واٹس ایپ کے نئے بیٹا (beta) ورژن میں یہ فیچر دیا گیا ہے۔ اس فیچر سے صارفین کو مخصوص کانٹیکٹس کی جانب سے سٹیٹس پوسٹ کیے جانے پر نوٹیفکیشن موصول ہوگا۔اس طرح انہیں اپنے دوستوں یا گھر والوں کے نئے سٹیٹس فوری دیکھنے کا موقع ملے گا۔
نیا فیچر بتدریج بیٹا ورژن میں متعارف کرایا جا رہا ہے اور آنیوالے ہفتوں میں مزید صارفین کو اس تک رسائی دی جائے گی۔اگر آپ واٹس ایپ کا بیٹا ورژن استعمال کرتے ہیں اور یہ فیچر دستیاب ہے تو اسے استعمال کرنا آسان ہے۔فیچر کو ایکٹیویٹ کرنے کے لیے کسی کانٹیکٹ کا سٹیٹس اوپن کریں اور پھر اوور فلو مینیو اوپن کرکے گیٹ نوٹیفکیشن کو سلیکٹ کریں،ایسا کرنے پر ایپ کی جانب سے تصدیق مانگی جائے گی اور پھر جب بھی اس کانٹیکٹ کی جانب سے نیا سٹیٹس شیئر کیا جائے گا، تو آپ کو نوٹیفکیشن کے ذریعے آگاہ کیا جائے گا۔
آپ اسی مینیو میں جا کر نوٹیفکیشنز کو کسی بھی وقت میوٹ کرسکتے ہیں۔اگر سٹیٹس میں کسی تصویر یا ویڈیو کو شامل کیا جائے گا، تو نوٹیفکیشن میں اس کا چھوٹا پریویو بھی دکھایا جائے گا، تاکہ صارفین ایپ اوپن کیے بغیر اپ ڈیٹس کو دیکھ سکیں۔