پنجاب یونیورسٹی کے ملتوی امتحانات کی نئی تاریخوں کا اعلان ہو گیا

یونیورسٹی کےطلبا و طالبات کیلئے اہم خبر،پنجاب یونیورسٹی نےرواں ماہ ملتوی ہونیوالے امتحانات کی نئی تاریخوں کا اعلان کر دیا۔
ترجمان پنجاب یونیورسٹی کے مطابق ایل ایل بی 3 سالہ اور 5 سالہ پروگرامز کے امتحانات 15، 16 اور 17 اکتوبر کو لیے گئے،اسی طرح بی ایس ہوم اکنامکس پارٹ ون کے ملتوی پیپرز 17 اکتوبر کو لیےگئے، جبکہ پارٹ ٹو کے امتحانات 15 اور 17 اکتوبرکومنعقد ہوئے۔
ترجمان کے مطابق بی ایس ہوم اکنامکس کے سال اول، دوم اور سوئم کے امتحانات بالترتیب 20 اور 21 اکتوبر کو ہوں گے، جبکہ بی بی اے آنرز تیسرے اورآخری سال کے امتحانات 24، 27 اور 28 اکتوبر کو منعقد کیے جائیں گے۔
ترجمان کے مطابق ایم اے/ایم ایس سی پارٹ ٹو 2024 کے ضمنی امتحانات کے پیپرزبھی 20 اور 21 اکتوبر کو ہوں گے۔
یونیورسٹی انتظامیہ کے مطابق امتحانات کے مقام اور وقت میں کوئی تبدیلی نہیں کی گئی۔ تمام امیدواروں کو ہدایت کی گئی ہے کہ وہ اپنے متعلقہ رول نمبر سلپس کے مطابق مقررہ مراکز پر پہنچیں۔