وزیراعظم کاصنعتوں اورکسانوں کیلئےبجلی پیکج کااعلان

وزیراعظم شہبازشریف نےصنعتوں اورکسانوں کیلئےبجلی پیکج کااعلان کردیا۔
وزیراعظم شہباز شریف کےساتھ  صنعتی و زرعی شعبے کے ماہرین اور کاروباری برادری کے وفد نے ملاقات کی، جس میں وزیراعظم نے صنعتوں اور کسانوں کے لیے خصوصی پیکج کا اعلان کیا۔
وزیراعظم نے بتایا کہ آئندہ تین برس تک صنعتی اور زرعی شعبوں کو سال بھر اضافی بجلی رعایتی نرخوں پر فراہم کی جائے گی۔ اس پیکج کے تحت نومبر 2025 سے اکتوبر 2028 تک اضافی بجلی 22 روپے 98 پیسے فی یونٹ کے نرخ پر دی جائے گی۔
انہوں نے کہا کہ صنعتی شعبے کو 34 روپے اور زرعی شعبے کو 38 روپے پر ملنے والے یونٹس کی قیمت کم کرکے اضافی یونٹس فراہم کیے جائیں گے جبکہ روشن معیشت بجلی پیکج کے تحت فراہم کی جانے والی بجلی کا بوجھ گھریلو صارفین اوریا کوئی دوسرا شعبہ نہیں اٹھائے گا۔
وزیراعظم نے مزید کہا کہ گزشتہ برس سردیوں میں دیے گئے پیکج کے نتیجے میں صنعتی و زرعی شعبوں نے 410 گیگاواٹ اضافی بجلی استعمال کی، جس سے صنعتوں کا پہیہ چلا، برآمدات میں اضافہ ہوا اور روزگار کے نئے مواقع پیدا ہوئے۔ انہوں نے کہا کہ صنعت و زراعت کے شعبے ترقی کریں گے تو ملک کو قرضوں سے نجات ملے گی۔