سردی کی آمد: محکمہ موسمیات کی موسمِ سرماکے بارے اہم پیشگوئی

سردی کی آمد کے حوالے سے محکمہ موسمیات نے اہم پیشگوئی کر دی۔
محکمہ موسمیات کا کہنا ہے کہ نومبر کے اوائل اور وسط سے ملک بھر میں موسم خنک ہونا شروع ہو جائے گا، تاہم بلوچستان کی شمال مغربی سمت سے قبل از وقت سرد ہوائیں چل سکتی ہیں، جس سے اکتوبر کے اختتام تک موسم میں بڑی تبدیلی متوقع ہے۔
موسم کاحال بتانےوالوں کاکہناہےکہ آج وفاقی دارالحکومت اسلام آباداورگردونواح میں موسم خشک اور سردرہےگا،مری،گلیات اورگردونواح میں موسم خشک رہےگا، جبکہ لاہور، گوجرانوالہ، قصور، شیخوپورہ،اوکاڑہ اورفیصل آبادمیں سموگ کی توقع ہے، اُدھرسیالکوٹ،خانیوال،رحیم یارخان ،بہاولپور اورملتان میں بھی سمو گ کاامکان ہے۔
محکمہ موسمیات کاکہناہےکہ بلوچستان کےبیشتراضلاع میں موسم خشک اور سرد رہنےکا امکان ہے،سندھ کےبیشتراضلاع میں موسم گرم اورخشک رہےگا،جبکہ سندھ کے ساحلی علاقوں میں مطلع جزوی ابر آلودرہنےکاامکان ہے،چترال ،دیر،سوات، کوہستان،کرم اورمانسہرہ میں بارش کی توقع ہے،اُدھرگلگت بلتستان میں چند مقامات پربارش اورپہاڑوں پربرفباری متوقع ہے،دوسری جانب آزادکشمیرمیں مطلع جزوی ابرآلوداورموسم سردرہنےکاامکان ہے۔