افغانستان کی شرائط معنی نہیں رکھتی،دہشتگردوں سے کبھی بات نہیں ہوگی، ترجمان پاک فوج

ڈی جی آئی ایس پی آر لفٹیننٹ جنرل محمد احمدشریف چودھری نے کہا ہےافغانستان کی شرائط معنی نہیں رکھتی ،دہشتگردوں سے کبھی بات نہیں ہوگی۔
راولپنڈی میں صحافیوں کو بریفنگ دیتے ہوئےترجمان پاک فوج لیفٹیننٹ جنرل محمد احمد شریف چودھری کا کہنا تھا کہ افغانستان سے جڑے معاملات کا حل صرف وہ حکومت ہے جو عوام کی نمائندہ ہو، افغانستان کی شرائط معنی نہیں رکھتی، دہشت گردی کا خاتمہ اہم ہے۔
ترجمان پاک فوج کا مزید کہنا تھاکہ پاک افغان جھڑپوں میں 206 افغان طالبان فوجی اور 112 خوارج مارے گئے۔ دہشت گردوں سے کبھی بات نہیں ہوگی، افغان طالبان کو پاکستان کا رسپانس فوری اور موثر تھا، پاکستان کے رسپانس کے وہی نتائج نکلے جو ہم چاہتے تھے۔
لیفٹیننٹ جنرل محمد احمد شریف چودھری نے کہا کہ افغانستان میں منشیات سمگلرز کی افغان سیاست میں مداخلت ہے اور وہاں سے بڑے پیمانے پر منشیات پاکستان سمگل کی جا رہی ہے۔ امن فوج غزہ بھیجنے کا فیصلہ حکومت اور پارلیمنٹ کرے گی، پاک فوج سیاست میں نہیں الجھنا چاہتی، فوج کو سیاست سے دور رکھا جائے۔