خلا میں زندگی کی تلاش کیلئے ڈریگن فلائی مشن بھیجنے کا منصوبہ

خلاکو تسخیر کرنے کا ایک اور بڑا منصوبہ ،خلا میں زندگی کی تلاش کیلئے ڈریگن فلائی مشن بھیجنے کا فیصلہ کرلیاگیا۔
امریکی اور یورپی خلائی اداروں نے مشترکہ طور پر نظامِ شمسی کے چھٹے سیارے زحل کے چاند پر زندگی کی تلاش کیلئے ڈرون بھیجنے کی منصوبہ بندی کر لی۔ڈریگن فلائی پروب زمین سے تقریباً 74 کروڑ 50 لاکھ میل فاصلے پر موجود زحل کے سب سے بڑے چاند ٹائٹن کا معائنہ کرے گا۔اس سپیس کرافٹ کی لانچ جولائی 2028 میں متوقع ہے، جو ٹائٹن تک 2034 میں پہنچے گا۔
خلائی اداروں کے ماہرین کا کہنا ہے کہ ڈریگن فلائی مشن کے ساتھ ہم ایک بار پھر ایک ایسا کام کریں گے، جواس سے قبل کوئی اور نہیں کر سکا، کیونکہ اس منصوبے کے تحت پُراسرار بحری دنیا کے حوالے سے تحقیق کائنات میں زندگی کے متعلق معلومات میں انقلابی تبدیلی لا ئی جا سکتی ہے۔
ماہرین کے مطابق ٹائٹن نظامِ شمسی کا دوسرا بڑا چاند ہے اور اس کی فضا زمین کی طرح نائٹروجن پر مبنی ہے۔