کراچی سمیت سندھ بھر کے سکولوں کیلئے اہم ہدایت نامہ جاری

طلبا و طالبات کیلئے خوشخبری، کراچی سمیت سندھ بھر کے سکولوں کیلئے نیا ہدایت نامہ جاری۔
سندھ میں سرکاری و نجی سکولز کو موسم سرما میں مخصوص کلر یا ڈیزائن کی جیکٹ پہننے کی پابندی سے روک دیا گیا۔اس حوالے سے ڈائریکٹوریٹ آف پرائیویٹ انسٹی ٹیوشنز نے تمام سرکاری و غیر سرکاری سکولوں کو ہدایت نامہ جاری کردیا ہے۔
ڈائریکٹوریٹ آف پرائیویٹ انسٹی ٹیوشنز رفیعہ جاوید نے وزیرتعلیم سندھ کی ہدایت پر تمام سکولوں کو مراسلہ جاری کیا ہے۔ مراسلے میں کہا گیا ہے کہ بچے سردیوں میں اپنی پسند کے گرم کپڑے اور جیکٹ پہن سکیں گے۔
رفیعہ جاوید کا کہنا ہے کہ سکول انتظامیہ بچوں کو مخصوص گرم لباس پہننے پر مجبور نہ کریں، خلاف ورزی کرنیوالے سکولوں کے خلاف کارروائی ہوگی، بچوں پر کوئی ڈریس جیکٹ پابندی نہیں ہوں گے۔
ان کا مزید کہنا تھا کہ سردیوں میں بچوں کی صحت پہلی ترجیح ہے، زبردستی کی مخوص گرم جیکٹس کی اجازت نہیں، بچے کسی رنگ اور کسی بھی ڈیزائن کی گرم جیکٹ پہننے سکتے ہیں۔
صوبائی وزیر تعلیم سید سردارشاہ کے مطابق موسم سرما میں بچوں کی سہولت اولین ترجیح ہیں۔