ایشیاکپ رائزنگ سٹارز: پاکستان شاہینزنے بھارت اےکو 8 وکٹوں سے شکست دیکر سیمی فائنل میں جگہ بنالی

ایشیاکپ رائزنگ سٹارزمیں پاکستان شاہینزنےبھارت اےکو8وکٹوں سےشکست دےکرسیمی فائنل میں جگہ بنالی۔
قطر میں کھیلے گئے گروپ میچ میں پاکستان شاہینز نے ٹاس جیت کر پہلےبھارت اےکوبیٹنگ کی دعوت دی۔بھارت اے نےپہلےکھیلتےہوئے 19 اوررز میں 136رنز بنائےجواب میں پاکستان شاہینزنے 13ویں اوورمیں صرف 2 وکٹوں کے نقصان پر 137 رنز کا ہدف حاصل کرلیا۔
بھارت اےکی جانب سے نمن دھیر نے 35 رنز کی اننگزکھیلی جبکہ سوریاونسی 45 رنزبناکرنمایاں رہے،بھارت اے کی آخری 8 وکٹیں سکور میں صرف 45 رنز کا اضافہ کرسکیں۔
پاکستان شاہینز کی طرف سے شاہد عزیز نے3کھلاڑیوں کوپویلین کی راہ دکھائی ،معاذ صداقت اور سعد مسعود نے دو دو وکٹیں حاصل کیں۔ سفیان مقیم ، عبید شاہ اور احمد دانیال نے ایک ایک کھلاڑی کو آؤٹ کیا۔
پاکستان شاہینزکی جانب سےمعاذ صداقت نے 79 رنز کی ناقابل شکست اننگز کھیلی، اُنہوں نے7چوکے اور 4چھکےمارے،ان کے علاوہ محمد فائق 16 رنز کے ساتھ ناٹ آؤٹ رہے۔ محمد نعیم نے 14 اور یاسر نے 11 رنز بنائے۔
یہ اس ٹورنامنٹ میں پاکستان شاہینز کی دوسری کامیابی ہے۔
پاکستان شاہینز ٹورنامنٹ میں اپنا تیسرا اور آخری گروپ میچ 18 نومبر کو متحدہ عرب امارات کے خلاف کھیلےگی۔