سونا اور چاندی سستے، فی تولہ سونا 4 لاکھ 52 ہزار 936 روپے پر آ گیا

ملک بھر میں سونے اور چاندی کی قیمتوں میں نمایاں کمی ریکارڈ کی گئی ہے، جس کے بعد خریداروں کو کچھ ریلیف ملا ہے۔

صرافہ بازار کے مطابق فی تولہ سونے کی قیمت 2 ہزار 300 روپے کمی کے بعد 4 لاکھ 52 ہزار 936 روپے ہو گئی، جبکہ 10 گرام سونا 2 ہزار 70 روپے سستا ہو کر 3 لاکھ 87 ہزار 615 روپے کا ہو گیا۔

عالمی بلین مارکیٹ میں بھی سونے کی قیمت میں کمی دیکھی گئی، جہاں فی اونس سونا 23 ڈالر سستا ہونے کے بعد 4 ہزار 305 ڈالر پر آ گیا۔

دوسری جانب چاندی کی قیمتوں میں بھی کمی ریکارڈ کی گئی۔ فی تولہ چاندی 144 روپے سستی ہو کر 7 ہزار 359 روپے پر آ گئی، جبکہ 10 گرام چاندی 123 روپے کمی کے بعد 6 ہزار 268 روپے میں فروخت ہونے لگی۔

بین الاقوامی مارکیٹ میں فی اونس چاندی کی قیمت 68.80 ڈالر ریکارڈ کی گئی۔