ڈیل نہ ہوئی تو ایران کے تیل پرقبضہ کرنے پر غور کر رہا ہوں،ٹرمپ کی دھمکی

امریکی صدر ڈونلڈ ٹرمپ نے فاکس نیوز کو دی گئی ٹیلیفونک گفتگو میں ایران کے حوالے سے سخت بیانات دیتے ہوئے کہا ہے کہ اگر ایران نے معاہدہ نہ کیا تو امریکا ہر چیز کو تباہ کرنے کی صلاحیت رکھتا ہے۔
صدر ٹرمپ نے کہا کہ ڈیل نہ ہونے کی صورت میں ایران کے تیل پر قبضہ کرنے کے آپشن پر بھی غور کیا جا رہا ہے۔ تاہم انہوں نے اس امید کا اظہار بھی کیا کہ ممکنہ طور پر کل تک ایران کے ساتھ معاہدہ طے پا سکتا ہے۔
اپنی گفتگو میں ٹرمپ نے یہ بھی دعویٰ کیا کہ امریکا نے ایرانی مظاہرین اور کردوں کو بڑی مقدار میں ہتھیار فراہم کیے، تاہم ان کے مطابق کردوں نے یہ ہتھیار اپنے پاس ہی رکھ لیے ہیں۔
تجزیہ کاروں کے مطابق ٹرمپ کے متضاد بیانات خطے میں بڑھتی ہوئی کشیدگی اور غیر یقینی صورتحال کی عکاسی کرتے ہیں، جس کے باعث آنے والے دنوں میں حالات مزید اہم رخ اختیار کر سکتے ہیں۔