ایران نےآبنائےہرمزسےروزانہ 15بحری جہازگزرنےکی اجازت دیدی

ایرانی حکام نے آبنائے ہرمز کے ذریعے بحری نقل و حمل پر سخت کنٹرول نافذ کرنے کا اعلان کیا ہے۔ ایک نئے فریم ورک کے تحت روزانہ صرف 15 جہازوں کو گزرنے کی اجازت دی جائے گی۔
نئی پالیسی کے مطابق ہر جہاز کو ٹرانزٹ سے قبل ایرانی حکام سے پیشگی اجازت لینا لازمی ہوگا، جس کے نتیجے میں دنیا کے اہم ترین تیل بردار راستے پر نقل و حرکت نمایاں طور پر محدود ہو جائے گی۔
یہ سخت اقدامات عارضی جنگ بندی کے باوجود خطے میں جاری کشیدگی کی عکاسی کرتے ہیں اور عالمی تجارتی سرگرمیوں میں رکاوٹ کا باعث بن رہے ہیں۔جہازوں کی آمدورفت معمول سے کافی کم ہونے کے باعث توانائی کی سپلائی، شپنگ میں تاخیر اور بڑھتے ہوئے اخراجات سے متعلق خدشات برقرار ہیں، جبکہ خطہ اس وقت نازک اور غیر یقینی سفارتی صورتحال سے گزر رہا ہے۔