لیسکو کا بڑا فیصلہ، 14 کلو واٹ سےزائد سولر سسٹمز پر نئی شرط عائد

لاہور الیکٹرک سپلائی کمپنی نے 14 کلو واٹ سے زائد سولر سسٹمز کی تنصیب پر نئی پابندی عائد کر دی ہے، جس کے تحت ایسے صارفین کو مخصوص ٹرانسفارمرز کی فراہمی لازمی قرار دی گئی ہے۔

حکام کے مطابق یہ اقدام بجلی کے گرڈ کو مستحکم رکھنے اور لوڈ مینجمنٹ کے مسائل کو بہتر انداز میں حل کرنے کیلئے کیا گیا ہے، جس سے بڑے رہائشی اور کمرشل سولر منصوبوں پر براہِ راست اثر پڑے گا۔

توانائی ماہرین کا کہنا ہے کہ ملک میں بجلی کی بڑھتی ہوئی قیمتوں کے باعث سولر انرجی کا استعمال تیزی سے بڑھ رہا ہے، تاہم اس کے ساتھ گرڈ اپ گریڈیشن بھی ناگزیر ہو گئی ہے۔

ماہرین کے مطابق نئے نظام سے کچھ صارفین اور کاروباری اداروں کو اضافی لاگت کا سامنا کرنا پڑ سکتا ہے، تاہم حکام قابلِ تجدید توانائی کے فروغ اور بجلی کے نظام کے استحکام کے درمیان توازن قائم رکھنے کی کوشش کر رہے ہیں۔