پاکستان میں موبائل فون کی مینوفیکچرنگ میں تیزی سے اضافہ ریکارڈ

صنعتی و معاشی انقلاب برپا، پاکستان میں موبائل فون کی مینوفیکچرنگ میں تیز ترین اضافہ ریکارڈکیاگیا۔
تازہ ترین اعداد و شمار کے مطابق پاکستان میں موبائل فون کی مینوفیکچرنگ میں تیزی سے اضافہ ہواہے ۔ اکتوبر میں سمارٹ فونز کی پیداوار 53 فیصد تک پہنچ گئی۔
پاکستان ٹیلی کمیونیکیشن کے مطابق رواں سال کے پہلے دس ماہ میں ملکی سطح پر دو کروڑ 51 لاکھ سے زائد موبائل فون تیار کیے گئے ۔ ان میں ایک کروڑ 32 لاکھ سمارٹ فون، جبکہ ایک کروڑ 19 لاکھ ٹو جی فیچر فون شامل ہیں۔
پاکستان نے موبائل فون کی مجموعی ملکی ضرورت کا 94 فیصد حصہ مقامی پیداوار سے پورا کیا ، جو گزشتہ کئی برسوں کے مقابلے میں ایک شاندار کامیابی ہے ۔