سموگ کی ممکنہ صورتحال پر این ڈی ایم اے کا الرٹ جاری

ملک کے مختلف علاقوں میں سموگ کی ممکنہ صورتحال،نیشنل ڈیزاسٹر مینجمنٹ اتھارٹی( این ڈی ایم اے) نے ملک کے مختلف علاقوں میں سموگ کی ممکنہ صورتحال پر  الرٹ  جاری کردیا۔
ترجمان این ڈی ایم اے کے مطابق لاہور، فیصل آباد، ملتان، بہاولپور، سیالکوٹ، گوجرانوالہ اور شیخوپورہ میں سموگ میں اضافہ متوقع ہے۔اس کے علاوہ راولپنڈی، اسلام آباد سمیت کے پی کے متعدد علاقوں اور سندھ کےبالائی علاقوں میں بھی دھند میں اضافہ متوقع ہے۔
ترجمان این ڈی ایم اےکے مطابق سموگ کے باعث متعدد شہروں میں ٹریفک کی روانی متاثرہونےکا بھی امکان ہے۔
این ڈی ایم اے ترجمان نے مزید بتایا کہ ڈیزاسٹر مینجمنٹ اتھارٹی تمام ممکنہ خطرات سے نمٹنے کیلئے پیشگی اقدامات یقینی بنا رہا ہے۔