نیتن یاہو کی ٹرمپ کے ایرانی بندرگاہوں کی ناکہ بندی فیصلے کی مکمل حمایت کااعلان

اسرائیلی وزیراعظم نیتن یاہو نے امریکی صدر ڈونلڈ ٹرمپ کے ایران کے خلاف بحری ناکہ بندی کے فیصلے کی مکمل حمایت کا اظہار کیا ہے۔
عالمی خبر رساں ادارے کے مطابق نیتن یاہو نے یہ مؤقف پیر کے روز کابینہ اجلاس سے خطاب کے دوران پیش کیا۔
انہوں نے کہا کہ امریکی نائب صدر جے ڈی وینس نے پاکستان کے دورے کے بعد ایران کے ساتھ ہونے والی حالیہ بات چیت سے آگاہ کیا، تاہم یہ مذاکرات کسی نتیجے پر نہیں پہنچ سکے۔
نیتن یاہو کے مطابق ایران نے اسلام آباد میں ہونے والے مذاکرات کے اصولوں کی خلاف ورزی کی، جس کے بعد صدر ٹرمپ نے بحری ناکہ بندی کا فیصلہ کیا، جو ان کے بقول درست اقدام ہے۔
اسرائیلی وزیراعظم نے مزید کہا کہ ان کا ملک اس امریکی فیصلے کی مکمل حمایت کرتا ہے اور اس معاملے پر واشنگٹن کے ساتھ قریبی رابطے میں ہے۔