آبادی اور معیشت ایک دوسرے سے جڑے چیلنج ہیں، وفاقی وزیرخزانہ

وفاقی وزیرخزانہ محمداورنگزیب نےکہاہےکہ آبادی اور معیشت ایک دوسرے سے جڑے چیلنج ہیں۔
پاپولیشن کونسل کی تقریب سے خطاب کرتےہوئےوفاقی وزیرخزانہ محمداورنگزیب کاکہناتھاکہ پاکستان کی معیشت مثبت سمت میں گامزن ہے،ترقی کی رفتار بڑھانے کیلئے آبادی کا کنٹرول ناگزیر ہے۔
وفاقی وزیر خزانہ کامزید کہنا تھا بڑھتی آبادی مسائل کو جنم دیتی ہے، ہمیں آبادی کے حساب سے وسائل کا انتظام کرنا ہوتا ہے، زیادہ آبادی مسائل اور غربت کا باعث بنتی ہے۔ آبادی اور معیشت ایک دوسرے سے جڑے چیلنج ہیں، پائیدار معاشی ترقی کیلئے متوازن آبادی ناگزیر ہے۔
اُن کاکہناتھاکہ کچی آبادیاں بھی مسائل کا باعث بنتی ہیں، کچی آبادیوں کا کوئی ڈیٹا حکومت کے پاس موجود نہیں ہوتا، موسمیاتی تبدیلی بھی عصرحاضر کا بڑا چیلنج ہے، حکومت کی توجہ ماحول دوست معیشت پر مرکوز ہے۔