سیس(SIS) ایپ کا نیا ورژن ، سٹوڈنٹس کا ڈیٹا آن لائن انٹر ہوگا

طلبا و طالبات کیلئے اہم خبر،سیس (SIS) ایپ کا نیا ورژن متعارف، اب سٹوڈنٹس کا ڈیٹا آن لائن انٹر ہوگا۔
سکول ایجوکیشن ڈیپارٹمنٹ نے 2017 میں ٹیبلٹ پر مبنی سکول انفارمیشن سسٹم (SIS) کو ادارہ بنانے کیلئے پی آئی ٹی پی کے ساتھ تعاون کیا، جس سے سکولوں کو ریئل ٹائم میں ڈیٹا کی خود رپورٹ کرنے کی اجازت دی گئی۔ یہ نظام ہر ایک طالبعلم کے اندراج اور برقراری کو ٹریک کرنے میں مدد کرتا ہے۔
سکول انفارمیشن سسٹم (سیس) ایپ کے ذریعے ٹیچرز کی بھی لوکیشن چیک کی جاتی ہے۔ اس ایپ میں ہر طالبعلم کیلئے اس کے والدین یاسرپرست کا شناختی کارڈ نمبر، فون نمبر، تاریخ پیدائش، اندراج کا سال اور موجودہ گریڈ، ڈیٹا بیس میں رکھا جاتا ہے۔
تاہم اب سکول ایجوکیشن ڈیپارٹمنٹ کی جانب سے اس ایپ کا نیا ورژن جاری کردیا ہے، جس کے ذریعے نئے داخلے کے وقت بچوں کا بلڈ پریشر، بخار، دل کی دھڑکن کا ڈیٹا بھی آن لائن انٹر کیا جائے گا، نیز طالبعلم کی سکول لیٹ آنے کی عادت،اکیڈمک ریکارڈ وغیرہ کے حوالے سے بھی معلومات کا اندراج کیا جائےگا ۔
ماہرین تعلیم کے مطابق اس فیصلے سے بچوں کا ہیلتھ پروفائل بنانے میں آسانی ہوگی۔