سینیٹ میں پیکاایکٹ ترمیمی بل پیش،اپوزیشن کاشورشرابہ،واک آؤٹ

قومی اسمبلی کےبعدسینیٹ میں بھی پیکاایکٹ ترمیمی بل پیش کردیاگیا،بل متعلقہ کمیٹیوں کوبھیج دیے گئے،اپوزیشن نےشورشرابہ کیااور نعرےبازی کرتےہوئےواک آؤٹ کرگئے۔
سینیٹ میں پیکاایکٹ ترمیمی بل پیش ہونےکےبعدبل سینیٹ کی متعلقہ کمیٹی کےسپردکردیاگیا۔ایوان میں اپوزیشن نےپیکاایکٹ نامنظورکےنعرےلگائیں جبکہ سینیٹ گیلری سےاپوزیشن واک آؤٹ کرگئی۔
ڈیجیٹل نیشن پاکستان بل بھی سینیٹ میں پیش کیاگیاجبکہ نیشنل کمیشن برائےاقلیت کےقیام کابل سینیٹ میں پیش کیاگیااوربل وزیرقانون اعظم نذیرتارڑ نےپیش کیا۔بل متعلقہ قائمہ کمیٹی کےسپردکردیاگیا۔
سینیٹ اجلاس میں اظہارخیال کرتےہوئےوزیرقانون اعظم نذیرتارڑکاکہناتھاکہ افسوسناک ہےیہ اقلیتوں کےقانون پراحتجاج کررہے ہیں ،ڈیسک بجارہےہیں،بل کمیٹیوں کوجاچکےہیں،ایوان میں جلوس جلسہ کرنےکی بجائےکمیٹی میں جاکربل پربات کریں۔
بعدازاں سینیٹ کااجلاس پیرکی شام4بجےتک ملتوی کردیاگیا۔