معاشی پالیسیوں کامعاملہ:پیپلزپارٹی نےاہم فیصلہ کرلیا

معاشی پالیسیوں کےمعاملےپرحکومت کی اتحادی جماعت پیپلزپارٹی نےاہم فیصلہ کرلیا۔
ذرائع کےمطابق معیشت کی صورتحال پرچیئرمین پیپلزپارٹی بلاول بھٹوزرداری کی زیرصدارت اہم اجلاس منعقدہوا۔پیپلزپارٹی نےکمزور معاشی پالیسیوں کے معاملے پر حکومت کو ٹف ٹائم دینے کا فیصلہ کرلیا۔
ذرائع کےمطابق اجلاس میں بلاول بھٹو زرداری کو ملک کی معاشی صورتحال پر بریفنگ دی گئی ۔چیئرمین پی پی نے بجلی کے زیادہ بلوں پر تشویش کا اظہارکیا۔
اجلاس سےخطاب کرتےہوئےچیئرمین پیپلزپارٹی بلاول بھٹوزرداری کاکہناتھاکہ حکومت عوام سے کردہ وعدے پورے کرنے میں بری طرح ناکام ہو گئی ہے۔ترقیاتی بجٹ میں کٹ لگانے پر بھی تشویش کا اظہارکیاگیا۔ دیکھنا ہوگا کہ ترقیاتی بجٹ پر کٹ لگا کر سبسڈی کہاں استعمال کی جا رہی ہے۔ ایک طرف ملک کو معاشی مشکلات کا سامنا ہے جبکہ دوسری طرف امریکامیں وزیراعلیٰ پنجاب کے مہنگے اشتہارات لگائے جا رہے ہیں۔پنجاب میں کون سا آئی ٹی انقلاب لایا جا رہا ہے جس کے اشتہارات نیویارک میں لگوائے جا رہے ہیں۔
ذرائع کےمطابق معاشی صورتحال سے متعلق پارٹی اجلاس منعقد کرنے کا سلسلہ جاری رکھنے کا فیصلہ کیاگیا، پارٹی مشاورت سے آئندہ فیصلے کئے جائیں گے۔
پی پی ارکان نےکہاکہ ملک کی صنعت بیٹھ گئی ملک کیسے ترقی کرے گا۔