پاکستان تحریک انصاف کا الیکشن کے بعد کا پلان سامنے آگیا

پاکستان تحریک انصاف کا الیکشن کے بعد کا پلان سامنے آگیا
پاکستان ٹوڈے:پاکستان تحریک انصاف کے سیکرٹری اطلاعات رؤف حسن نے پارٹی کے پلان ڈی کا انکشاف کر دیاہے۔رؤف حسن کاپارٹی کے پلان ڈی سے متعلق بات چیت کرتے ہوئےکہناتھاکہ الیکشن کے بعد پی ٹی آئی کے کامیاب امیدوار ایک اتحادی پارٹی کو جوائن کر لیں گے۔رؤف حسن کا مزید کہنا تھا کہ الیکشن کے بعد اتحاد کیلئے اس سلسلے میں تین پارٹیاں ان کی نظر میں ہیں اور ان پارٹیوں سے اس سلسلے میں بات چیت بھی ہو چکی ہے۔پارٹیوں سے متعلق پوچھے گئے سوال کے جواب میں انہوں نے کہا کہ وہ اتنے بھولے بھی نہیں ہیں کہ ان پارٹیوں کے نام بھی بتا دیں۔اس سے قبل صحافیوں سے بات چیت کرتے ہوئے ان کا کہنا تھا کہ کئی ممالک کے سفارت خانوں نے یقین دلایا ہے کہ ملک میں الیکشن فری اینڈ فیئر ہوں گے۔تحریک انصاف کے ملتوی شدہ انٹرا پارٹی انتخابات جلد کرانے کا اعلان کرتے ہوئے انہوں نے کہا کہ جب بھی انٹرا پارٹی انتخابات کیلئے ورکرز کو بلاتے ہیں تو دفاتر سیل کردیے جاتے ہیں۔رؤف حسن کا کہنا تھا کہ مناسب وقت پرپاکستان تحریک انصاف کے انٹرا پارٹی انتخابات کرائے جائیں گے