انسٹاگرام کے نئے فیچر میں خاص کیا ہے؟

انسٹاگرام کے نئے فیچر میں خاص کیا ہے؟۔معروف سوشل میڈیا پلیٹ فارم کے صارفین کیلئے بڑی خوشخبری۔ انسٹا گرام کے مطابق اب صارفین ریلز میں ایک سے زیادہ آڈیو ٹریکس شامل کر سکیں گے۔
اس زبردست نئے فیچر کو استعمال کرنے کیلئے صارف کو ریل ایڈیٹر میں ایڈ ٹو مکس آپشن پر کلک کرنا ہو گا۔
انسٹاگرام کا کہنا ہے کہ اس نئے فیچر سے صارفین ایک سنگل ریل میں اب 20 تک ٹریکس شامل کر سکتے ہیں۔اس فیچر میں ایک مرتبہ ٹریکس ایڈ کرنے کے بعد صارف کے پاس یہ اختیار ہو گا کہ وہ صرف وہی حصہ کاٹ کر شامل کرے ،جو وہ چاہتا ہے۔یوں کمبائنڈ ٹریک کو اسی کریٹر سے منسوب کر دیا جائے گا، تاکہ ان کے فینز اس یونیک مکس کو دوبارہ استعمال کرسکیں۔
انسٹا گرام کے مطابق ریلز میں ملٹی ٹریک آڈیو کی لانچنگ کریٹرز کی تخلیقی صلاحیتوں کو مزیدبڑھائے گی اور وہ اپنی تخلیقی صلاحیتوں کا اظہار کر سکیں گے۔
اس نئے فیچر کی بدولت اب صارفین کو ایک سے زیادہ ٹریکس کو ملانے اور پھر اپنی کلپس پر لگانے کیلئے دوسرے ایڈیٹر کو استعمال کرنے کی ضرورت نہیں پڑے گی۔