چیمپئنز ون ڈے کپ: اسٹالیئنز نے نور پور لائنز کو 133 رنزسےشکست دیدی

چیمپئنز  ون ڈے کپ کے دوسرے میچ میں اسٹالیئنز نے نورپور لائنز کو 133 اسکور سےشکست دےدی۔
الائیڈبینک اسٹالیئنز کے کپتان محمد حارث نے ٹاس جیت کر پہلے بیٹنگ کا فیصلہ کیا ،اسٹالیئنز  نے مقررہ 50 اوورز میں 5 وکٹوں کے نقصان پر 336 رنز اسکور کیے۔
الائیڈبینک اسٹالیئنز کی طرف سے بابراعظم 76 ،طیب طاہر74،محمد حارث55 اور حسین طلعت نے 50 رنز بنائے۔
بابراعظم 79 گیندوں پر 76 رنز بنا کر شاہین شاہ آفریدی کی گیند پر آؤٹ ہوئے۔بابر اعظم نے طیب طاہر کے ساتھ تیسری وکٹ کی شراکت میں114 رنز کا اضافہ کیاطیب طاہر نے 2 چھکوں اور7 چوکوں کی مدد سے 74 رنز کی اننگز کھیلی ۔
فاتح ٹیم کےبابراعظم،طیب طاہر ،محمد حارث اور حسین طلعت کی نصف سنچریوں نے جیت میں اہم کرداراداکیا۔جبکہ نورپورلائنزکےعامر جمال نے 60 اور شاہین آفریدی نے 63 رنز دے کر دو دو وکٹیں حاصل کیں۔
الائیڈبینک اسٹالیئنز کے336رنزکےجواب میں نورپور لائنز 39.3 اوورز میں 203رنز بناکر آؤٹ ہوگئی ۔لائنز کی اننگز ابتدا ہی سے مشکلات کا شکار رہی لائنز کے صرف22 رنز کے مجموعی اسکور پر تین بیٹرز سجاد علی ( صفر ) عبداللہ شفیق ( 9 ) اور عمیر بن یوسف ( 2 ) سکوربناکرآؤٹ ہوگئے۔لائنز کے امام الحق نے 78 رنز کی اننگز کھیلی ،
اسٹالیئنز  کی طرف سے حارث رؤف نے 43 رنز دے کر 3 وکٹیں حاصل کیں محمد علی اور جہانداد خان نے دو دو کھلاڑی آؤٹ کیے۔