ٹک ٹاکر لڑکی کے بال کاٹنے کا کیس: ملزمان کی ضمانت منظور

ٹک ٹاکر ایمان طاہر کے بال کاٹنے کےکیس میں گرفتاردونوں ملزمان کوعدالت نے ضمانتیں منظور کرکےرہائی کاحکم دےدیا۔
سول جج صوفیہ ملک نے فیصلہ سناتے ہوئے کہا کہ دونوں ملزمان کے خلاف کوئی مضبوط ثبوت موجود نہیں، جبکہ ایف آئی آر درج کرنے میں بھی تاخیر ہوئی۔
عدالت نے نشاندہی کی کہ متاثرہ لڑکی موقع پر موجود نہیں تھی، نہ ہی اس نے مقدمہ درج کرایا، اور نہ ہی ریکارڈ میں اس کا کوئی بیان شامل ہے۔ عدالت کے مطابق صرف زبانی دعوؤں اور غیر مصدقہ بیانات کی بنیاد پر مقدمات قائم نہیں کیے جا سکتے۔
عدالت نے دونوں ملزمان کو 50، 50 ہزار روپے کے ضمانتی مچلکے جمع کرانے کی شرط پر رہا کرنے کا حکم دیا۔
پولیس تاحال بال کاٹنے والے اصل ملزم کو گرفتار نہیں کر سکی، جبکہ مقدمہ تھانہ نصیر آباد پولیس کی مدعیت میں ایک پولیس اہلکار نے درج کرایا تھا۔