ایپل کی جدید ترین فیچرز کے ساتھ نئی میک بک سیریز متعارف

ایپل کی جدید فیچرز کے ساتھ نئی میک بک سیریز متعارف، قیمت کیا ہوگی؟تفصیلات سامنے آ گئیں۔
ٹیکنالوجی کی عالمی کمپنی ایپل نے مارچ 2026 کیلئے اپنے میک بک لیپ ٹاپس کی نئی سیریز متعارف کرا دی ، جن کی ابتدائی قیمت 1,099 امریکی ڈالر (تقریباً 3 لاکھ 7 ہزار پاکستانی روپے) رکھی گئی ہے۔
کمپنی کے مطابق نئے ماڈلز میں جدید چپس شامل کیے گئے ہیں، جو بہتر پروسیسنگ، گرافکس کی اعلیٰ کارکردگی اور ذخیرہ اندوزی کی صلاحیت میں نمایاں اضافہ فراہم کرتے ہیں۔نئے میک بک ماڈلز وائی فائی 7 اور بلیوٹوتھ 6 کے جدید معیار کے ساتھ دستیاب ہوں گے۔ سٹوریج کی حد اب 512 گیگابائٹ سے شروع ہوتی ہے، جس سے صارفین کو بہتر کارکردگی اور تیز رفتار ڈیٹا پروسیسنگ کی سہولت میسر ہوگی۔میک بک پرو کے نئے ماڈلز میں  سٹوریج کی حد چار ٹیرا بائٹ تک پہنچ چکی ہے اور جدید چپس صارفین کو اعلیٰ معیار کی پروسیسنگ اور گرافکس کی سہولت فراہم کرتے ہیں۔یہ ہارڈ ویئر پچھلی نسل کے مقابلے میں تیز رفتار ریکارڈ اور رائٹ کی سہولت، توانائی کی بہتر کارکردگی اور جدید خصوصیات کیلئے تیار کی گئی ہے۔
کمپنی نے اعلان کیا ہے کہ نئے ماڈلز کی پیشگی بکنگ جاری ہے، جبکہ سٹورز میں دستیابی گیارہ مارچ سے متوقع ہے۔ ایپل کا مقصد نئے ماڈلز کے ذریعے صارفین کو اعلیٰ کارکردگی، بہتر ذخیرہ اندوزی اور جدید ٹیکنالوجی کے ساتھ بہترین تجربہ فراہم کرنا ہے۔