طلبا و طالبات کیلئے لیپ ٹاپ حاصل کرنے کا سنہری موقع ، پنجاب حکومت نے وزیراعلیٰ پنجاب لیپ ٹاپ سکیم فیز 2 کے تحت درخواستیں جمع کرانے کی آخری تاریخ میں توسیع کا اعلان کر دیا ۔
سرکاری اعلامیے کے مطابق اب اہل طلبا 20 مارچ 2026 تک مقررہ آن لائن پورٹل کے ذریعے اپنی درخواستیں جمع کروا سکتے ہیں۔حکام کا کہنا ہے کہ آخری تاریخ میں توسیع کا مقصد زیادہ سے زیادہ طلبا کو پنجاب لیپ ٹاپ سکیم فیز 2 سے فائدہ اٹھانے کا موقع فراہم کرنا ہے۔یہ سکیم صوبائی حکومت کی اس کوشش کا حصہ ہے، جس کے تحت طلبا کو جدید ٹیکنالوجی تک رسائی فراہم کر کے تعلیمی اور تحقیقی سرگرمیوں میں ڈیجیٹل سہولیات کو فروغ دیا جا رہا ہے۔
اس پروگرام کے تحت پنجاب کے سرکاری تعلیمی اداروں سمیت بعض منتخب نجی جامعات کے طلبا بھی درخواست دینے کے اہل ہیں۔
حکام نے طلبا کو ہدایت کی ہے کہ وہ مقررہ آخری تاریخ سے قبل اپنی درخواستیں مکمل کر لیں، تاکہ اس تعلیمی سہولت سے بروقت فائدہ اٹھایا جا سکے۔
Leave a reply
پاکستان ٹوڈے ڈیجیٹل نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔